ቴዲ አፍሮን ቃለ- መጠይቅ ያደረገው ጋዜጠኛ ኢቢሲን ለቀቀ

ቴዲ አፍሮን ቃለ- መጠይቅ ያደረገው ጋዜጠኛ ኢቢሲን ለቀቀ

/Ethiopia Nege News/:- ከአራት ዓመት በላይ ከኢቢሲ(EBC) ጋር ያሳለፈው ጋዜጠኛ ብሩክ እንዳለ ባለፈው ሳምንት አርቲስ ቴዲ አፍሮን በመኖሪያ ቤቱ “ ለእሁድ መዝናኛ” የሚሆን ፕሮግራም ሰርቶ ሀሙስ ግንቦት 12/2017 ከሙሉ ፕሮግራሙ ላይ ተቀንጭቦ በኢቢሲ ና በእራሱ በጋዜጠኛው ፌስቡክ ገፅ ላይ ለቅምሻ የሚሆን ከተለቀቀ ከሰአታት በኋላ ኢቢሲ ከፌስቡክ ገፁ ላይ አንስቶ ለጣቢያው ቅርብ በሆነ ግለሰብ ፌስቡክ ገፅ

‘ እርማት” በማለት የቴዲ አፍሮ ቃለ ምልልስ እሁድ እንደማይቀርብ ተገለፀ።

የፕሮግራሙ መሰረዝ ምክንያት አሁንም ድረስ በግልፅ የተባለ ነገር ባይኖርም የስርዓቱ ካድሬዎች ግን ለሁለት ተከፍለው በዚሁ ማህበራዊ ድህረ-ገፅ ላይ ሲወዛገቡ ታይተዋል።

አንዱ ቡድን ቴዲ አፍሮ “ፀረ ብዝሃነት” ነው ብለው ሲከሱ ሌው ደግሞ ተቋሙ የተለያዩ ሀሳቦች የሚሸራሸሩበት እንዲሆን መፍቀድ አለብን ሲሉ ተስተውለዋል።የኦሮሚያ መንግስት ኮምኒኬሽን ሀላፊ አቶ አዲሱ አረጋን ጨምሮ ከአርቲስቱ ጋር የተሰራው ፕሮግራም አየር ላይ እንዲውል በገደምዳሜው ሲሞግቱ ታይተዋል።

በብዙዎች እምነት ለፕሮግራሙ መሰረዝ ዋና ምክንያት መንግስት በእጅጉ አርቆ ያስቀመጠውን “ኢትዮጵዪዊነት” አርቲስቱ ደጋግሞ በመዘመሩ መሆኑን አይጠራጠሩም።

“ ቴዲ አፍሮ ዘፋኝ ብቻ አይደለም” የሚለው ጋዜጠኛ ብሩክ እንዳለ “ ጉዳዩ አንድን የኪነ ጥበብ ሰው ማቅረብና ያለማቅረብ ጉዳይ ብቻ አይደለም።ጉዳዩ የጋዜጠኝነት ልዕልናም የሚጋፋ ሆኖ ስላገኘሁትና ብዙዎች መስዕዋት የከፈሉለትን ሙያ ክብር ለመስጠትም ጭምር ነው እዚህ ውሳኔ ላይ የደረስኩት።” በማለት ዛሬ በፌስ ቡክ ገፁ ላይ ለጥፋል።

“ይህን ውሳኔ ስወስንም የጋዜጠኝነት ሙያ ውስጥ ላላችሁ፤ ጋዘጠኝነት በመማርና በማስተማር ላይ ላላችሁና መላውን የኢትዮጵያ ህዝብ እያሰብኩ ነው። ለኢቢሲ አጠቃላይ ሰራተኞችና በተለያዩ መንገዶች ከጎኔ ለነበራችሁ ሁሉ አመሰግናለሁ። ዝርዝር ሒደቱንም እመለስበታለሁ::” በማለት መልዕክት አስተላልፏል።

የኢትዮጵያ ቴሌቪዥን/ብሮድካቲግ ኮርፖሬሽን (EBC) በሚያዚያ ወር መጨረሻ ላይ ለህ/ተ/ም/ቤት ባቀረው ሪፖርት “ ዘረኝነት፣ሙስንናና ከውስጥም ከውጭም ባሉ ባለስልጣናት ጣልቃ ገብነት የስራየ መሰረታዊ ችግሮች ናቸው “ በማለት ማስረዳቱ የሚታወቅ ነው።

1 COMMENT

  1. === መጀመሪያ ይቅርታ፤ሕዝብን፣ለምን?ይቅርታ ፈንጂ ነው ። ===

    አያ ብሩክ እንዳለ፤ይቅርታህ የት አለ????…
    ግለሰቦች ክደው ሕዝብን ሲበድሉ፤
    አምባገነኖቹ ዕድሜ ያገኛሉ።
    እንደ ኢትዮጵያ ላሉ ምንም ላልታጠቁ፤
    በጉልበት በብረት ዛሬም ለሚጠቁ፤
    በተለይ በዚህ ወቅት የሰላም እጃቸው፤
    የአጋዚ ጥይት ገድሎ ለሚፈጃቸው፤
    መድኃኒት ነው ፈንጂ ሕዝብን የበደሉ፤
    አደባባይ ውጥተው
    “በድለናል” ካሉ።
    እናም እንደማዲንጎ በሕዝብ የተረታ፤
    ይውጣና አሁኑኑ:-
    ፈንጂ ይስጥ በይቅርታ።
    የመጨረሻ ቀላል፣በደልን መፋቂያ፤
    በደም-ዕዳ ምትክ፣ፍቅርን ማፍለቂያ።
    ከልብ እንደመነጨ የሚቆጣጠረው፤
    አምላክ ነው ይቅርታን ሁሌም የሚቆጥረው።
    የኢትዮጵያ ሕዝብ ሆይ ይህን ጥሪ ስማ፤
    በልቦናህ ጻፈው ማን እንደሚያቅማማ።
    ልጆችህ ሲደፉ በዓጋዚ ስትደማ፤
    በየስርቻው ሞልቷል ቢጠራ ‘ማይሰማ።
    እሰዬን አስተውል፣እነገብሩ አሥራትን፤
    ያን ታምራት ላይኔ ያስገነጠላትን።
    በየመድረኩ ላይ ዛሬም የሚዋሹ፤
    በዜና አንባቢነት ህሊና ያቆሸሹ።
    ሞልተዋል ድርቅ የለም ለምተናል የሚሉ፤
    ጉጅሌ ለበላው ጅለው የተጃጃሉ።
    እነዚህን ሁሉ ሐቁ እንዲፈጃቸው፤
    የእነ መሓሙድ ይቅርታ ወጥቶ ያፈንዳቸው።
    እናም ሕዝቡን ስሙት አድምጡት ላንድአፍታ፤
    እንደልጅ ማዲንጎ ጠይቁ ይቅርታ።
    እንደው ስንቴ ከዱን ከመካከላችን፤
    መንግሥትን ወግነው አሾፉ በሕዝባችን።
    በኪነት-በስፖርቱ በፖለቲካ-ስልጣን፤
    በምርጫ በትግል ስንቱን ጀግና አጣን።
    ይህን የሕዝብ በደል ማዲንጎ አሸንፎ፤
    አስደሰተው ሕዝቡን በይቅርታው አቅፎ።
    ሕዝቡ ትዕግስት አለው ሳይነጋ ይጠብቃል፤
    እነማን በዳዮች እንደሆኑም ያውቃል።
    እናም የበደላችሁ ያኔ ተለጥፋችሁ፤
    ዛሬውኑ ይቅርታ ጠይቁ ፈጥናችሁ።
    ባንዳውን ሳይጨምር፣ስንቱ ስው ተረታ???…
    በሆዱ በሥልጣን ለገንዘብ ተፈታ።
    ልደቱ የተባለው በቁም-ሲታይ ሞቱ፤
    መሐሙድም ርካሽ ሲሆን አየን ገልቱ።
    ያቺ አስቴር አወቀም ባለድምጻዊቷ ፤
    ኢትዮጵያን ነው የከዳች ለስንዝር ዕርስቷ።
    ንዋይ ደበበስ ቢሆን ዘምሮ ለኢትዮጵያ፤
    ወዶ ገባ ሆነ ከጉጅሌ ጉያ።
    ሰለሞን ተካልኝ ና ሲባል ብላልኝ ፤
    እንደጅብ ይጮሃል እሱስ ይጠንባልኝ።
    እነ ኃይሉ ሻወል ስንቱ ይቆጠራል፤
    ወዲያው ካያለበት እንደነጋ ይጠራል።
    እናም እንደማዲንጎ በሕዝብ የተረታ፤
    ይውጣና አሁኑኑ:-
    ፈንጂ ይስጥ በይቅርታ።
    ኃይሌስ ቢሆን ስንቴ አውቆ ተታለለ፤
    ጀግና እንዳልተባለ በወቸገል-ሥም ማለ።
    ፈንጂ ነው ዕውነታ ሐቅ ነው መናገር፤
    ጉጅሌ ኢትዮጵያን ከፋፍሏታል በዘር።
    ይኼን አትመስክሩ፤
    የኢትዮጵያ ሕዝብ አውቋል፤
    ግና ይቅርታችሁን ዓመታት ጠብቋል።
    እናም ሕዝቡን ስሙት አድምጡት ላንድአፍታ፤
    ታሪክ ሳይጠራችሁ የማታ የማታ፤
    ዛሬ ቁረጡና ቆማችሁ በዕውነታ፤
    እንደልጅ ማዲንጎ ጠይቁ ይቅርታ።

LEAVE A REPLY