/ኢትዮጵያ ነገ ዜና/፡- አርቲስት ታምራት ደስታ በድንገት ህይወቱ ማለፉ ተገለጸ። ታምራት ዛሬ ጠዋት ድንገተኛ ህመም ተሰምቶት ወደ ህክምና ቦታ ለመሄድ መኪና እያሽከረከረ በመጓዝ ላይ እንዳለ እራሱን በመሳቱ ወደ ሚኒሊክ ሆስፒታል በአምቡላንስ ቢወሰድም ህይወቱ ሊተርፍ አለመቻሉ ተገልጿል።
የድምፃዊ ታምራት ደስታ የግል ማህደሩ እንደሚያመለክተው የተወለደው እ.ኤ.አ1978 ሀዋሳ አካባቢ ጥቁር ውሀ በተባለ ቦታ ነው። በህይወት ዘመኑም በሀዋሳ፣ ድሬዳዋና አዲስ በአበባ ኖሯል። ታምራት በተለያዩ ነጠላ ዘፈኖቹ የሚታወቅ ሲሆን አንለያይምና ከዛሰፈር በተሰኙ ሁለት አልቨሞችም አሉት።
ድምፃዊ ታምራት ደስታ ባለትዳርና የ5 ልጆች አባት ነበር።
ኢትዮጵያ ነገ ድረ ገጽ ዝግጅት ክፍል ለቤተሰቦቹና ለአድናቂዎቹ መፅናናትን እንመኛለን።
