/ኢትዮጵያ ነገ ዜና/፡- የኤርትራው ፕሬዝዳንት ኢሳያስ በየዓመቱ በሚከበረው የሰማዕታት መታሰቢያ ላይ በቀጥታ የቴሌቭዥን ስርጭት እንደተናገሩት በድንበር ጉዳይ ላይ የሚነጋገር የልዑካን ቡድን ወደ አዲስ አበባ ለመላክ እየተዘጋጁ መሆኑን ገልጸዋል። በጃፓን የኤርትራ አምባሳደር እስጢፋኖስ አፈወርቂም ይህንኑ መረጃ በትዊተር ገፃቸው አስነብበዋል።
በኢትዮጵያና በኤርትራ መካከል አሜሪካን ጨምሮ በሶስተኛ ወገን ምስጢራዊ ውይይት ላለፉት አራት ሳምንታት ሲካሄድ መቆየቱ ሲነገር ቆይቷል። ሁለቱን ሀገራት ለማቀራረብ የተባበሩት አረብ ኤምሬትስና ሳዑዲ አረቢያ ጥረት ሲያደርጉ እንደነበረ ተዘግቧል። የአውሮፓ ህብረትም ኤርትራን በማግባባት ጥረት ሲያደርግ ሰንብቷል።
የኤርትራው ፕሬዝዳንንት ኢሳያስ ከዩናይትድ ስቴትስ ጋር ያላቸውን ግንኙነትም ያለቅድመ ሁኔታ እንደሚያሻሽሉ ተናግረዋል።
