ኢትዮጵያ ነገ ዜና || ጠቅላይ ሚኒስትር ዐቢይ አሕመድ፤ ብዙዎች “ታላቁ ኢትዮጵያዊ” በማለት የሚጠሯቸው ዶ/ር በላይ አበጋዝን ለሰሩት መልካም ስራ ሽልማት አበርክተውላቸዋል፡፡
ከአሜሪካን ሀገር ትምህርታቸውን አጠናቀው ከተመለሱ በኋላ ከአርባ ዓመት በላይ ለሙያቸውና ለአገራቸው ታማኝ ሆነው በቅንነት ያገለገሉት ዶ/ር በላይ አበጋዝ፤ የህፃናት ልብ ህክምና ሥራ እየሰሩ የኖሩበት መስሪያ ቤት 30ኛ አመት ክብረ በአል ላይ የኢትዮጵያ ልብ ህክምና ማዕከል እንዲመሰረት ያበረከቱትን አስተዋፅኦ በማድነቅ ጠቅላይ ሚኒስትር ዐቢይ አህመድ ሽልማት ሰጥተዋቸዋል፡፡
በተያዘዘ ዜና ወርሃዊው “ሰርክ ኢትዮጵያን እናጽዳ” የጽዳትና የመንጻት መርሃግብር ፣ትናንት ሲካሄድ በጥቁር አንበሳ ሆስፒታል የተገኙት ጠ/ሚ/ር ዐቢይ አሕመድ በፅዳትና ችግኝ ተከላው ተሳትፊ በመሆን በሆስፒታሉ ግቢ ችግኛቸውን ተክለዋል፡፡
በፅዳት ዘመቻው የጤና ሚኒስትሩ ዶ/ር አሚር አማንን ጨምሮ በርካታ ከፍተኛ የመንግስት ባለስልጣናት እና የሆስፒታሉ ሰራተኞችተገኝተዋል።
