ኢትዮጵያ ነገ ዜና || ጠቅላይ ሚኒስትር ዐቢይ አህመድ ከሌሎች የብልፅግና ፓርቲ አመራሮች ጋራ በመሆን በስልጤ ዞን በወራቤ ከተማ ስቴዲየም ከተለያዩ የዞኑ አከባቢዎች ከተሰባሰቡ ከ60 ሺህ እስከ 65 ሺህ የሚደርስ ሕዝብ ጋራ ተወያይተዋል፡፡
ጠቅላይ ሚኒስትሩ በወራቤ ስቴዲየም ለተሰበሰበው ሕዝብ ባደረጉት ንግግር የስልጤ ሕዝብ በመላው አገሪቱ ተሰማርቶ አገር በመልማት የሚታወቅ ታታሪ ሕዝብ ነው ብለዋል፡፡ “የስልጤ ሕዝብ ዜግነት ወንዝ መሆኑን ያውቃል፡፡ ስልጤ መነሻው ስልጤ መድረሻው ዓለም ነው፡፡ አስቀድሞ የስልጤ መንገድ የመደመር ነው፤ መንገዱ ደሞ ከመስመር ይሰፋል፡፡
እኛ ጠባቡን መስመር ትተን ሰፊውን መንገድ ተከትለናል፤ በመረጥነው መንገድ ወደ መድረሻችን በልፅገን ለመሄድ አንደክምም፣ አንተኛም። የማንተኛው ዕዳ ያለበት አገር ስለተረከብን ነው፡፡ ለባለዕዳ ማውራት ዕዳ መከፈል አይደለም የተሻለችና ከዕዳ የነፃች አገር ኢትዮጵያን ለመፍጠር እንተጋለን።” ብለዋል።
“የስልጤ ሕዝብ ያልተመለሱ ጥያቄዎች እንዳሉት እናውቃለን ተደምረን ጥያቄዎች ደረጃዎች በደረጃ ለመፋታት እንሰራለን
የኢትዮጵያ ሠላምና አንድነት አብሮነት መጠበቅ ያስፈልጋል፡፡ አንድነትና አብሮነት በመጠበቅ ስም ታዳጊዎች የጦር መሳሪያ መሸከም ስለጦረኝነት ማስተማር ነው፡፡ ስለሆነም ለልጆቻችን ክላሽ ሳይሆን ስክሪፕቶና እርሳስ፣ መጽሐፍ ቅዱስ እና ቁራን እንጂ የጦር መሳሪያ አናሸክማቸው ” ሲሉም ዶክተር ዐቢይ አገርና ትውልድን ከጥፋት የመታደጊያውን መንገድ አመላክተዋል፡፡
