ኢትዮጵያ ነገ ዜና || በረካታ ውጣውረዶችን ያሳለፈው የቃልኪዳን መጽሔት እና የሞገድ ጋዜጣ ዋና አዘጋጅ እንዲሁም በበርካታ ጋዜጦች ላይ በአዘጋጅነት ሰፊ ተሳትፎ የነበረው፣ አሁን በስደት በአሜሪካ የሚገኘው ዳንኤል ገዛኸኝ የተፃፈው መጽሐፍ በአማዞን ላይ ለሽያጭ መቅረቡ ተገለፀ፡፡
የ1997 ምርጫን ተከትሎ ወደ የመን በባህር ላይ አደገኛ ጉዞ በማድረግ የተሰደደው ዳንኤል ገዛኸኝ፣ ለ72 ሰዓታት በሰሀራ በረሃና 41 ሰዓት በቀይ ባህር ላይ በሕገ ወጥ የሰዎች አዘዋዋሪዎች አማካይነት ያያውን ስቃይና እንግልት የተረከበት ሲዋን የተባለ በአማርኛ ቋንቋ የታተመ መጽሐፉ ነው ወደ እንግሊዘኛ ቋንቋ ተተርጉሞ፤ ጆርኒ ቱ ዴዝ የተሰኘ ርዕስ ተሰጥቶት ለኅትመት የበቃው፡፡
ደራሲው ለኢትዮጵያ ነገ የአዲስ እንዳስታወቀው መጽሐፉን በ11 ዶላር ከዘጠና ዘጠኝ ሳንቲም በመግዛት ለሚያደርገው የኩላሊት ንቅለተከላ kidney transplant ኢትዮጵያውያን ወገናዊ እገዛ እንዲያደርጉለት ተማፅኗል፡፡
