አየር ኃይል ለ106 መኮንኖች የማዕረግ እድገት ሰጠ

ኢትዮጵያ ነገ ዜና || የኢፌዲሪ አየር ኃይል ለከፍተኛ መኮንኖች የማዕረግ እድገት መስጠቱ ተነገረ።

አየር ኃይሉ በዛሬው ዕለት በደብረዘይት በሚገኘው የኢፌዴሪ አየር ኃይል ጠቅላይ መምሪያ ባካሄደው ሥነ ሥርዓት ላይ የኢፌዴሪ ጦር ኃይሎች ምክትል ኤታማዦር ሹም ጄኔራል ብርሃኑ ጁላ እና የኢፌዴሪ አየር ኃይል ዋና አዛዥ ሜጀር ጄኔራል ይልማ መርዳሳን ጨምሮ ከፍተኛ አመራሮች ተገኝተዋል።

በሥነ ሥርዓቱ ላይ 106 ለሚሆኑ መኮንኖች በአየር ኃይል ዋና አዛዥ ሜጀር ጀነራል ይልማ መርዳሳ የተለያዩ የማዕረግ እድገቶችን ሰጥተዋል።

በተጨማሪም ላለፉት 6 ወራት በስልጠና ላይ የቆዩ የአየር ኃይል ወታደራዊ ፖሊስ አባላትም በዛሬው እለት ተመርቀዋል። በተያያዥ ባለፉት ስድስት ወራት በተቋሙ ከፍተኛ አፈፃፀም ላስመዘገቡ ሠራተኞችም የእውቅና እና ሽልማት አሰጣጥ ሥነ ሥርዓት ተከናውኗል።

በሜጀር ጄኔራል ይልማ መርዳሳ የሚመራው የኢትዮጵያ  አየር ኃይል ዶክተር አብይ ስልጣን ከያዙ በኋላ ከህወሓት ፈልቅቀው ከያዟቸው ተቋማት ግምባር ቀደም ተብሎ የሚጠቀስ ሲሆን ሜጀር ጄኔራሉም የጠቅላይ ሚኒስትሩ ታማኝ መሆናቸው ይታወቃል።