በአሜሪካ ፣ሚቺጋን ግዛት ዲዬትሬት ከተማ ውስጥ የሚኖሩት ሁለቱ የጸረ ኮሮና ዘማቾች የሆኑት የእሳት አደጋ መከላከያ ሰራተኛው ኢቢይ ሀርበርት እና የፖሊስ ባልደረባዋ ባለቤታቸው ላቮንድሪያ ሀርበርት ባለፈው እሁድ የአምስት አመት ሴት ልጃቸው ስካይልር በዘመኑ የኮሮና ወረርሺኝ ሳቢያ ቢነጠቁም ለሁለም ሰዎች እጭር መልክት አላቸው ።እርሱም “የኮሮና ቫይረስ ማንኛውንም ጾታ፣ዘር እና ሀይማኖት ስለማይለይ አንዘናጋ ” የሚል ነው።
እንደ ወላጅ እናቷ ገለጻ በአስቸኳይ አዋጁ ምክንያት ለቀናት ከቤቷ ወጥታ የምታውቀው እና የቫይረሱ ምልክት በቤተሰቦቿ ላይ ያልተከሰተው ጨቅላዋ ስካይለር ገና ህመም ሲጀማምራት ጉሮሮዋን ከመከርከር ውጪ ለሁለት ቀናት እንደማንኛው ጊዜ ትበላለች፣ትጠጣለች፣ትጫወታለች ።
” ከዚህ የተነሳ የኮሮና ወረርሺኝ ያሚለው ቃል በአይምሮዬ ውስጥ አልመጣም ነበር” የሚሉት ወላጅ እናቷ ከአራት ቀናት በሁዋላ ጨቅላዋ ልጃቸው “ልቆጣጠረው ይማልችለው የራስ ምታት እና ትኩሳት አስቸገረኝ ” ማለቷን ተከትሎ ለምርመራ ወደ ሆስፒታል ስትወሰድ፣የመተንፈስ ችሎታው ጤናማ እንደ ነበር፣ምንም አይነት የወረርሺኙ ምልክት ባይታይባትም በጣም ያልተለመደ ፣ነገር ግን ከኮሮና ጋር ተዛማጅነት ያለው የማጅራት ገትር/መንጃይት በሽታ ምልክት ቢታይባትም የመተንፈስ እንቅስቃሴው በመልካም ሀኔታ ላይ እንደነበር፣
በሁዋላ ባላፈው ሚያዚያ/አፕሪል 3,2020 እኤአ የመተንሻ መሳሪያ ቢገጠምላትም ፣ በተፈጥሮዋ ፍቅርን ሰጥታ ፍቅርን የምትቀበል፣ፍርሃት የሚባል ነገር የምታውቀው ልጃቸውን በኮሮና መነጠቃቸውን የፖሊስ አባል የሆኑት እናቷ በሀዘኔታ ያስታውሳሉ።
ከሀኪሞች የቅርብ እገዛ አግኝታ የነበረችው ጨቅላዋ ስካይነር በሚቺጋን ግዛት ውስጥ የመጀመሪያዋ በእድሜዋ አንስተኛ የኮሮና ቫይረስ ሰለባ ስትሆን ፣ስታድግ ደንሰኛ፣እና የህጻናት የጥርስ ሀኪም መሆን ህልም የነበራት ታዳጊዋ አሟሟቷ ወላጆቿን ብቻ ሳይሆን ህይወቷን ሊታደጉ ብርቱ ጥረት ያደረጉት የህክምና ባለሙያዎችን ጭምር ልባቸውን መስበሩን ፣ሁሌም ጠዋት ከእንቅልፍ ስትነሳ እናቷን በመሳም “እወድሻለሁ”የሚለው ቃል ከአይምሯቸው እንደማይጠፋ ወላጅ እናቷ ለ ኤን ቢ ሲ ቴሌቭዥን ተናግረዋል።
ወላጅ አባቷም እንዲሁ”እንደ ኮሮና የመሰለ መጥፎ ወረርሽኝ ጋር ስንዋጋ ብዙ ነገር ተምረናል ፣እርሱም ኮሮና ስለ ቀለም፣ ስለብሔር፣ ስለ ፖለቲካ፣ስለ ጾታ፣ ስለ ሀይማኖት ፣ስለ እድሜ ግድ የለውም ።ይሄ ጨካኝ አውሬ ከፊቱ ያገኘው ሁሉ ለማጥፋት ያሴረ ነው።በልጄ ላይ የደረስው ስቃይን ፣በቤተሰቤ ላይ እንዲህ የወደቀው የልብ ስብራትን ለጠላቴም ብሆን አልመኘውም፣ነገር ግን በዚህ መጥፎ ወረርሽኝ ዙሪያ ያለን ግንዛቤን እናጠናክረው”በማለት በወረርሽኙ ዙሪያ የተዘናጉ ፣አይነካንም እና አይመለከተንም ያለ ወገኖችን አስጠንቅቀዋል።
ወረርሽኙ በአሁኑ ወቅት ኢትዮጵያን ጨምሮ በአለም ላይ ሁለት ሚሊዮን አምስት መቶ ሽህ በላይ ስዎችን እጥቅቷል፣ አንድ መቶ ሰባ ሰባት ሽህ በላይ ገድሏል፣ ስድስት መቶ ሰማኒያ ሺህ በላይ ከቫይረሱ አገግመዋል። በምድረ አሜሪካ እንዲሁ ስምንት መቶ ሀያ አራት ሽህ በላይ አጥቅቶ ከአርባ አምስት ሺህ በላይ ህይወት መቅጠፉን መረጃዎች ይገልጻሉ።
