ኢትዮጵያ ነገ ዜና፡– የአማራ ክልል ኅብረተሰብ ጤና ኢንስቲትዮት በክልሉ የሚገኙ ከ400 ሺኅ በላይ ሰዎች በወባ በሽታ መጠቃታቸውን አስታወቀ።
በዚህ ዓመት ቁጥራቸው እጅግ የበዛ ሰዎች በወባ ለመጠቃታቸው እና በክልሉ ለተከሰተው የወባ በሽታ ስርጭት መስፋፋት ዋነኛ ምክንያቶች መሀል፤ በኅብረተሰቡ ዘንድ፣ እንዲሁም በመንግሥት ተቋማት የተፈጠረ ትኩረት ማጣት ነው ሲሉ የተናገሩት የኢንስቲትዩቱ የወባ በሽታ የቡድን መሪ አቶ ማስተዋል ወርቁ፤ የተጠቂዎች ቁጥር ከባለፈው ዓመት ተመሳሳይ ወቅት ጋር ሲነጻጸር 73 በመቶ መጨመሩንም ገልጸዋል።
በሽታውን በአግባቡ መቆጣጠር ካልተቻለ አሁን ላይ ያለው 400 ሺኅ የወባ ታማሚ በመጪው ክረምት ወራት በእጅጉ ሊጨምር እንደሚችልም ተነግሯል።
