መድረክ፣ ኦነግ፣ አረናና ሲአን “ትብብር” የተሰኘ ግንባር ለመመሥረት ምርጫ ቦርድን ጠየቁ

ትብብሩን ለመመሥረት የተስማሙት ፓርቲዎች የመድረክ ግንባር አባል ድርጅቶች በመድረክ ስም፣ እንዲሁም የኦሮሞ ነፃነት ግንባር (ኦነግ)፣ የአገው ብሔራዊ ሸንጎ፣ የኦጋዴን ብሔራዊ ነፃነት ግንባር (ኦብነግ)፣ የከፋ አረንጓዴ ፓርቲ እና ሞቻ ዴሞክራሲያዊ ፓርቲ እንደሆኑ የመድረክ ጸሐፊ ደስታ ዲንካ ተናግረዋል።

በመድረክ ውስጥ ታቅፈው ከሚገኙ የፖለቲካ ድርጅቶች  የኦሮሞ ፌደራሊስት ኮንግረስ (ኦፌኮ)፣ ዓረና ትግራይ ለዲሞክራሲያዊ ፍትህ ፓርቲ፣ የሲዳማ አርነት ንቅናቄ (ሲአን)፣ የኢትዮ ሶሻል ዴሞክራሲያዊ ፓርቲ ኢሶዴፓ ናቸው ትብብርን ለመመሥረት እየተንቀሳቀሱ የሚገኙት።