ኢትዮጵያ ነገ ዜና፡– በአዲስ አበባ ከተማ ባለፉት ሁለት ዓመታት ከተረኛነት ጋር በተያያዘ የተፈጸመውንና አሁንም እየተካሄደ ያለውን የመሬት ወረራ እና የኮንዶሚኒየም እደላ በተመለከተ ኢዜማ በቀጣዮ ሳምንት ለሕዝብ ዝርዝር ማብራሪያ እሰጣለሁ አለን።
ስለ መሬት ወረራውም ሆነ ስለ ኮንደሚኒየም እደላ ሠፊ ጥናት አድርጎ ያዘጋጀው መሆኑን የተናገረው ኢዜማ፤ ይህንን ጉዳይ በተመለከተ ለአዲስ አበባ ከተማ አስተዳደር ደብዳቤ ማስገባቱንም ይፋ አድርጓል።
የኦሮሚያ ክልላዊ መንግሥት ፕሬዘዳንት አቶ ሽመልስ አብዲሳ የሰሞኑ መናጋገሪያ ንግግርን ፍፁም ስህተት ከመሆኑ ባሻገር አግባብም አይደለም ያለው ፓርቲው፤ እንዲህ ዓይነቱ ሕዝብን ከሕዝብ የሚያጋጭ ንግግርና እንቅስቃሴን አንፈቅድም ብሏል፡፡
በተጨማሪም በበሳል ፖለቲከኞች የሚመራው ኢዜማ የሀገራችን የለውጥ ጉዞ እና ፓርቲው ለራሱ ካስቀመጠው ግብ አኳያ ያለበትን ቁመና የገመገመበትን ውይይት ውጤት እና የፓርቲውን የወደፌፊት ጉዞ አቅጣጫም በተመሳሳይ በቀጣዮ ሳምንት ለሕዝብ ይፋ እንደሚያደርግ አስታውቋል።
