ኢትዮጵያ ነገ ዜና፡– በሻሸመኔና በዝዋይ የሚገኙ ሁለት ትላልቅ ሪዞርቶቹ በመንጋዎች ጥቃት ሙሉ ለሙሉ የወደመበት ስመ ገናናው አትሌት ኃይሌ ገብረ ሥላሤ በአዳማ (ናዝሬት) ያስገነባውን አዲስ ሪዞርት በይፋ አስመርቋል።
የኃይሌ ሆቴሎችና ሪዞርቶች ድርጅት በ500 ሚሊዮን ብር ወጫ በአዳማ ከተማ ያስገነባው 7ኛው የኃይሌ ሪዞርት በጣም የተዋበና ማራኪ መሆኑንም መመልከት ተችሏል።
በሪዞርቱ የምርቃት ሥነ ሥርዓት ላይ ሻለቃ ኃይሌን ጨምሮ የሪዞርቱ የሥራ ሓላፊዎች መግለጫ ሰጥተዋል።
አዲስ የተከፈተው ኃይሌ ሪዞርት ሠፋፊና ምቹ የመመገቢያና የስብሰባ አዳራሾችን ጨምሮ 106 የእንግዳ ማረፊያ ክፍሎች፣ የስፖርት ማዘወትሪያ ሥፍራዎች፣ የመዋኛ ገንዳዎች እና ሌሎችንም መሰረተ ልማቶችን ያካተተ መሆኑ ታውቋል።
