ተወዳጇ አርቲስት አልማዝ ኃይሌ (ማሚ) ከዚህ ዓለም በሞት ተለየች

ኢትዮጵያ ነገ ዜና || በበርካታ ኢትዮጵያውያን ዘንድ በኪነ ጥበብ ሥራዎቿ የምትታወቀው አርቲስት አልማዝ ኃይሌ ከዚህ ዓለም በሞት መለየቷ ተሰማ።

በርከት ላሉ ሳምንታት በሕክምና ላይ የነበረችው አርቲስት አልማዝ ኃይሌ (ማሚ) ሕልፈተ ሕይወቷ የተነገረው ዛሬ ማለዳ ላይ ነው።

የአርቲስቷ ስርዓተ ቀብር ነገ በመንበረ ፀባዖት ቅድስት ሥላሴ ካቴድራል ለማስፈጸም በዝግጅት ላይ መሆኑን የቀብር አስፈጻሚ ኮሚቴው ከወዲሁ አስታውቋል።

አርቲስት አልማዝ ኃይሌ (ማሚ) በሕይወት በነበረችበት ጊዜ በርከት ያሉ የመድረክ ቴአትሮችን በብሔራዊ ቴአትር ቤት የተጫወተች ሲሆን በፊልሙ ኢንዱስትሪም በርከት ያሉ አማርኛ ፊልሞችን ሠርታለች።

ከዚህ በተጨማሪ ጥቂት የማይባሉ የቴሌቪዥንና የቢልቦርድ ማስታወቂያዎችን  የሠራችው አንጋፋዋ አርቲስት አልማዝ ኃይሌ በተለይም በሸኖ ለጋ ማስታወቂያዋ ከፍተኛ ዝና እና አድናቆት ተችሯታል።

ለመላ ቤተሰቦቿ ወዳጅ ዘመዶቿ እና ለአድናቂዎቿ 
መጽናናትን እንመኛለን 
የEN ዝግጅት ክፍል ባልደረቦች (ኢኤንዝክ)