ኢትዮጵያ ነገ ዜና || ከጥቂት ቀናት በፊት የተሾሙት የኢትዮጵያ ብሔራዊ ቡድን ዋና አሰልጣኝ ውበቱ አባተ፤ ለ40 ተጫዋቾች ጥሪ ማድረጋቸውን ለኢትዮጵያ እግር ኳስ ፌዴሬሽን አስታወቁ።
ለብሔራዊ ቡድኑ እንዲጫወቱ ጥሪ ከቀረበላቸው ተጫዋቾች መካከል በዚህ ወቅት በግብፅ ሊግ ከሚጫወተው ሽመልስ በቀለ በስተቀር 39ኙ ተጫዋቾች በሀገር ውስጥ ሊጎች የሚጫወቱ ናቸው።
ጥሪ የተደረገላቸው ተጫዋቾች መስከረም 23/2013 ዓ.ም ከጠዋቱ 3 ሰዐት እስከ 4 ሰዐት ድረስ በፌዴሬሽኑ ጽ/ቤት ሪፖርት እንዲያደርጉ እናጨመስከረም 23 የኮቪድ ምርመራ እንደሚደረግላቸውም ተነግሯል።
ተጫዋቾቹ ዝግጅታቸውን በካፍ አካዳሚ የሚያደርጉ ሲሆን፤ ፌዴሬሽኑም ካፍ አካዳሚን ዝግጁ ለማድረግ የተለያዩ ሥራዎች በማከናወን ላይ መሆኑን መረዳት ተችሏል።
አሰልጣ ውበቱ አባተ ከእግር ኳስ ፌዴሬሽን በተሰጠው ሓላፊነት መሠረት፤ አንዋር ያሲን እና አስራት አባተን በረዳት አሰልጣኝነት፣ የቀድምውን የቅዱስ ጊዮርጊስና የብሔራዋ ቡድን ግብ ጠባቂ የነበረው ደሳለኝ ገብረጊዮርጊስን ደግሞ በግብ ጠባቂ አሰልጣኝነት መሾማቸውን ሰምተናል።
