ዛሬ ረፋድ የጦር አውላፕኖች በመቀሌ የአየር ጥቃት መፈጸማቸው ታወቀ

ረፋድ 5 ሰዐት አካባቢ የጦር አውሮፕላን ድምጽ ሲሰማ በነዋሪዎች ዘንድ መደናገጥ ተፈጥሮ ነበር ያለው በመቀለ የሚገኘው የቢቢሲ ዘጋቢ፤ በሰዎች ላይ ጉዳት አለመድረሱን ቢገልጽም፣ የዐይን እማኞች ግን አንድ ሰው የመቁሰል ጉዳት ደርሶበታል ሲሉ ተናግረዋል።

 የጥቃቱ ዒላማ ነባር የከተማዋ ስታድየም የሆነው ባሎኒ እየታባለ በሚጠራው አካባቢ እንደሆነ ቢቢሲ ዘጋቢውን ዋቢ በማድረግ ቢገልጽም፤ ትግራይ ቴሌቪዥን ረፋድ 04፡45 ላይ ጥቃቱ መፈጸሙን አረጋግጦ፤ የጥቃቱ ዒላማም በመቀለ ውስጥ በሚገኘው ቀዳማይ ወያነ ክፍለ ከተማ ውስጥ በሚገኘው እንዳ ጊዮርጊስ በተባለው ሥፍራ መሆኑን ገልጿል።