ኢትዮጵያ ነገ ዜና፡– የጁንታው ጉጀሌ ህወሓትባዶ ካስቀራቸው እና እዳ ውስጥ ከዘፈቃቸው መካከል የቀድሞ ሜቴክ ያሁኑ ኢትዮ ኢንጂነሪንግ ግሩፕ ዋነኛው እንደሆነ የኢትዮ ኢንጂነሪንግ ግሩፕ ዋና ሥራ አስፈጻሚ ኢንጂነር ህይወት ሞሲሳ አስታወቁ።
ኢትዮ ኢንጂነሪንግ ግሩፕ በተለያዩ ዘርፎች በተለይም ከታላቁ የኢትዮጵያ ህዳሴ ግድብ ጋር በተያያዘ ከፍተኛ መጠን ያለውን ገንዘብ በመዝረፍ በተቀመጠለት የጊዜ ገደብ እንዳይጠናቀቅ መደረጉን ያስታወሱት አመራሯ፤
ቡድኑ ከባንክ በአጠቃላይ ከ70 ቢሊየን ብር በላይ እዳ እና ኪሳራ እንዳሸከመው ይፋ አድርገዋል።
የሀገር መከታ በሆነው የመከላከያ ሠራዊት ላይ ጥቃት መሰንዘሩ እጅግ አሳፋሪ ነው ያሉት ዋና ሥራ አስፈጻሚዋ፣ የጁንታው ቡድን እያጠፋ ያለው የሰው ህይወት እና የንብረት ውድመት ብቻ መንግሥት እርምጃ እንዲወስድ በቂ ምክንያት እንደሆነም አስረድተዋል።
