ኢትዮጵያ ነገ ዜና፡– በአዲስ አበባ በተለምዶ ጎርጎርዮስ አደባባይ ተብሎ በሚጠራው አካባቢ ዛሬ ቦምብ ቢፈነዳም በሰዎች ላይ የደረሰ ጉዳት አለመኖሩን የአዲስ አበባ ፖሊስ ኮሚሽን ገለጸ።
ቦምቡ በተጠቀሰው አካባቢ በሚገኝ አንድ የቆሻሻ መጣያ ገንዳ ውስጥ ተጥሎ መገኘቱን ያስረዳው ፖሊስ፤ ከአካባቢው ሰዎች በደረሰው ጥቆማ መሠረት የፈንጅ አምካኝ ባለሙያዎች በማለዳ ወደ ስፍራው በማቅናት ለማምከን እየተደረገ ባለበት ወቅት ምክንያቱ ባልታወቀ ሁኔታ ሊፈነዳ መቻሉ አስታውቋል።
ፍንዳታውን ተከትሎ አንድ ግለሰብ በፍንጣሪው ቀላል ጉዳት የደረሰበት በመሆኑ ተጎጂው የሕክምና እርዳታ በማግኘት ወደ ቤቱ ተመልሷል መባሉን ሰምተናል።
