ኢትዮጵያ ነገ ዜና፡– እንደ አውሮፓዊያኑ አቆጣጠር 2021 በዓለም ላይ መጎብኘት ካለባቸው ምርጥ ቦታዎች አዲስ አበባ አንዷ መሆኗን ታዋቂው የአሜሪካ የጉዞ መጽሔት ኮንዴ ናስት ትራቭለር አስታወቀ።
ከተማዋ እንደ ስሟ እየሆነች መጥታለች ያለው መቀመጫውን ኒውዮርክ ያደረገው ታዋቂው የጉዞ መጽሔት፤ በቀጣዩ የአውሮፓዊያን ዓመት በዓለማችን መጎብኘት አለባቸው ያላቸውን 21 ምርጥ ቦታዎች ይፋ አድርጓል።
ከቅርብ ዓመታት ወዲህ የኢትዮጵያ ስምና ዝና እየጨመረ መምጣቱን የጠቆመው መጽሔቱ፤ እንደ አውሮፓዊያን አቆጣጠር በ2017 መጨረሻ የተጀመረው የኤሌክትሮኒክስ ቪዛ አገልግሎት ሀገሪቷን ለመጎብኘት ያለውን ሂደት እንዳቀለለውና የቱሪዝም ዘርፍ 48 ነጥብ 6 በመቶ ዕድገት እንዲመዘግበት ማስቻሉንም ጠቁሟል።
