ኢትዮጵያ ነገ ዜና፡– የአፍሪካ ኦሎምፒክ ኮሚቴዎች ማኅበር (አኖካ) ለጠቅላይ ሚኒስትር ዐቢይ አህመድ የአህጉሩን ከፍተኛ የስፖርት ሽልማት ወይም ኦርደር ኦፍ ሜሪት አበረከተ።
ሽልማቱ የአፍሪካ አገራት መሪዎች ለኦሎምፒክ ስፖርት ማደግ ለሚያበረክቱት አስተዋጽኦ እውቅና የሚሰጥ እንደመሆኑ መጠን በርካታ የአፍሪካ መሪዎች በተለያየ ጊዜ አሸናፊ ሆነዋል።
ጠቅላይ ሚኒስትር ዐቢይ አህመድን ለኢትዮጵያ ስፖርት ያሳዩት ድጋፍና ለኦሎምፒክ መንደር ግንባታ ያደረጉት የ3 ቢሊዮን ብር ድጋፍ ለሽልማት እንዳበቃቸው በሥነ ሥርዓቱ ላይ ተገልጿል። ሽልማቱን ጠቅላይ ሚኒስትሩን በመወከል የባሕልና ቱሪዝም ሚኒስትሯ ዶክተር ሂሩት ካሳው ተቀብለዋል፡፡
