ኢትዮጵያ ነገ ዜና፡– በትግራይ ክልል የፍተሻ ቦታ በጣሱ የተባበሩት መንግሥታት ድርጅት ሠራተኞች ላይ ተኩስ መከፈቱንና ሠራተኞቹ መያዛቸውን የኢትዮጵያ መንግሥት አመነ።
የመንግሥታቱ ድርጅት ሠራተኞች ባለፈው ሳምንት እሁድ ኅዳር 27/2013 ዓ.ም የኤርትራ ስደተኞች የሚገኙበትን ማዕከልን ለመጎብኘት ሲያቀኑ የፍተሻ ጣቢያዎቹን ጥሰው እንዳለፉ ተገልጿል።
የድርጅቱ ሠራተኞች መሄድ ወዳልተፈቀደላቸው አካባቢ በመግባት የመንግሥትን መመሪያ በመተለለፋቸው ሊተኮስባቸውና ሊያዙ መቻላቸውን የጠቆሙት አቶ ሬድዋን ሁሴን፤ ” ሠራተኞቹ ሁለት የፍተሻ ጣቢያዎችን በመጣስ ነድተው ነው ያልተፈቀደላቸው ቦታ የገቡት፤ እንዳይሄዱም ተነግሯቸዋል። ሦስተኛውን የፍተሻ ጣቢያም ሊጥሱ ሲሉ ነው ተተኩሰባቸው በቁጥጥር እንዲው የተደረጉት” በማለት ሂደቱን አስረድተዋል።
