ኢትዮጵያ ነገ ዜና፡– በኦሮምኛ ቋንቋ ስመ ገናና የነበረው ጋዜጠኛና አርቲስት ኢብራሂም ሀጂ ዓሊ ከዚህ ዓለም በሞት ተለየ።
በአፍረን ቀሎ ባንድ ውስጥ ተሳትፎ ሲያቀርባቸው በነበረው የሙዚቃ ሥራዎቹ እውቅና ያተረፈው ኢብራሂም ሀጂ ዓሊ በኢትዮጵያ ፕሬስ ድርጅት በሚታተመው የበሪሳ ጋዜጣ ላይ በጋዜጠኝነት ለበርካታ አመታት ሠርቷል።
አርቲስት ኢብራሂም ሀጂ ዓሊ በሬድዮ ፋና ውስጥ በፕሮግራም አዘጋጅነትና በኤዲተርነት ያገለገለ ከመሆኑ ባሻገር፤ ተወዳጁ ድምጻዊ አሊ ቢራን ጨምሮ ለተለያዮ የኦሮምኛ ቋንቋ ድምጻውያን ጣዕም ያላቸው ግጥምና ዜማዎችን አበርክቷል። የአርቲስቱ የቀብር ስነ ስርዓት ዛሬ ከቀኑ 9:00 ሰዓት ላይ ኮልፌ የሙስሊም መቃብር ተፈጽሟል።
