ኢትዮጵያ ነገ ዜና፡– ትራምፕ ስልክ እየደወሉ ጆ ባይደንን እንዳሸንፈው ትንሽ ድምጽ እንዴትም ብላችሁ አሟሉልልኝ እያሉ የግዛት አስመራጮችን መለመናቸውን ዋሺንግተን ፖስት ገለጸ።
ቀፕሬዝዳንታዊ ምርጫው ትራምፕ ጆ ባይደንን እንዳሸንፍ ድምጽ ከየትም ብላችሁ ፈልጉ እያሉ ከደወሉባቸው የግዛት የምርጫ ኃላፊዎች መካከል የጆርጂያ ግዛት ምርጫ አስፈጻሚ ብራድ ራፍነስፐርግ አንዱ ናቸው፤ ዋሺንግተን ፖስት ይፋ ባደረገው የስልክ ቅጂ ንግግር ትራምፕ 11ሺ 780 ድምጽ ከየትም ብለህ ፈልግ እያሉ ሲለምኑ ነበር ሲል አጋልጧል።
፧
በስልክ ምልልሱ ብራድ በበኩላቸው የ፥ጆርጂያ ግዛት ቆጠራው በትክክል ተቆጥሮ መጠናቀቁን ለትራምፕ ሲናገሩ ይሰማል። ይሁን እንጂ ትራምፕ አስፈጻሚውን በማባበልና በማግባባት ትንሽ የተጭበረበሩ ድምጾችን ካገኘ እርሳቸው አሸናፊ እንደሚሆኑ በማስረዳት እንደምንም ተባባሪ እንዲሆን ለማበረታታት ሲጥሩ በገሀድ ተሰምቷል።
