ኢትዮጵያ ነገ ዜና፡– ቅዱስ ያሬድ ሕይወትና ሥራዎች ዙሪያ የሚያጠነጥነው ዘጋቢ ፊልም የምረቃ ስነ-ስርዓት በአዲስ አበባ ተመረቀ።
በሰሜን ጎንደር የሚገኘው የደብረ ሐዊ ቅዱስ ያሬድ አንድነት ገዳም ያሰራው ዘጋቢ ፊልም የ1 ሠዓት ከ06 ደቂቃ ቆይታ ያለው ሲሆን፤ ታሪኩንም በደንብ ገልጾታል።
ጥዑመ ዜማ ቅዱስ ያሬድ ከአንድ ሺህ ዓመታት በፊት የነበሩ ኢትዮጵያዊ ረቂቅ የድጓ ወይም የዜማ ደራሲ፣
በኢትዮጵያ ኦርቶዶክስ ተዋሕዶ ቤተ ክርስቲያን በስማቸው ፅላት የተቀረፀላቸውና መመስገኛ ቀንም የተሰጣቸው ፃድቅ ናቸው።
በቅዱስ ያሬድ ሕይወትና ሥራዎች ላይ በተሠራው ዘጋቢ ፊልም የምረቃ ስነ-ስርዓት ብፁዓን ሊቃነ ጳጳሳት፣ ሊቃውንት፣ የመንግሥት የሥራ ኃላፊዎችና ጥሪ የተደረገላቸው እንግዶች ተገኝተዋል።
