ኢትዮጵያ ነገ ዜና፡– ተመራቂ የዩኒቨርስቲ ተማሪዎችን አሳፍሮ ከመቀለ ወደ አዲስ አበባ እየተጓዘ በነበረ አውቶብስ ላይ ማንነታቸው ባልታወቀ ታጣቂዎች በተፈጸመ ጥቃት ቢያንስ ስድስት ሰውች ተገድለዋል ተባለ።
ባለፈው ሳምንት ሀሙስ የካቲት 11/2013 ዓ.ም አርባ አንድ ወጣት ሴቶችና ወንዶችን አሳፍሮ ይጓዝ በነበረው አውቶቡስ ላይ ጥቃቱ የተፈጸመው አዲ መስኖ በምትባል ቦታ ላይ መሆኑን የዘገበው ቢቢሲ፤ ይህንን በተማሪዎች ላይ የተፈጸመውን ጥቃት በተመለከተ ከክልሉም ሆነ ከፌደራል መንግሥቱ አስካሁን የተሰጠ ይፋዊ መግለጫ የለም ብሏል።
የትግራይ ጊዜያዊ አስተዳደር ባለፈው ሳምንት የተበታተኑ የጁንታው አባላት ወደ ሕዝብ ውስጥ መሰራጨታቸውን መግለጹን መዘገባችን አይዘነጋም።
