ኢትዮጵያ ነገ ዜና፡– ዕውቁ ድምፃዊ ቴዎድሮስ ካሳሁን (ቴዲ አፍሮ) ከቀናት በፊት በአሰቃቂና ብዙሃንን ለቁጣ በጋበዘ አሳዛኝ ሁኔታ ህይወቱን ላጣው ቴዎድሮስ አበባው (ቴዲ ቡናማው) እጮኛ ደውሎ ከሀዘኗ እንድትበረታ ማፅናናቱ ታውቋል።
በሀዘኑ ቤት ከሚገኙ ጓደኞቹ ለማረጋገጥ እንደተቻለው፣ ቴዲ አፍሮ ለቴዲ ቡናማው እጮኛ በደወለበት ወቅት በሀዘን የተጎዳ መንፈሷን የሚያድሱ የመፅናኛ ሃሳቦችን እያነሳ ረዘም ላሉ ደቂቃዎች ያወራት ሲሆን፣ በቅርቡም በአካል ተገኝቶ ለቅሶ እንደሚደርስ ቃል ገብቶላታል።
ሟቹ ቴዲ ቡናማው በበጎ አሳቢነትና አድራጊነት የሚታወቀውን ያክል ለቴዲ አፍሮ ባለው ፍቅርና አድናቆትም ስሙ ይጠቀስ እንደነበር ከጓደኞቹ ሰምተናል።
