ኢትዮጵያ ነገ ዜና፡– የኢትዮጵያ ብሔራዊ ቡድን ወደ አፍሪካ ዋንጫ ማለፉን አረጋገጠ፤ አዲስ አበባ ህዝብም ከዳር እስከዳር በነቂስ ወጥቶ በተገኘው ውጤት የተሰማውን ጥልቅ ደስታ በጭፈራ እየገለፀ ነው!
ህዝቡ በየአካባቢው ደስታውን እየገለፀ በሚገኝበት በአሁኑ ወቅት በተለይም ወጣቶች “ተከብረሽ የኖርሽው በአባቶቻችን ደም፣ እናት ኢትዮጵያ የደፈረሽ ይውደም” የሚል ህብረ ዝማሬ እያሰሙ ሲሆን፣ የኢፌዲሪ ጠቅላይ ሚኒስትር ዶ/ር ዐቢይ አህመድም “የኢትዮጵያ ቡድን ወደ አፍሪካ ዋንጫ በማለፉ ታላቅ ደስታ ተሰምቶኛል። ከተሠራ የማይመጣ ውጤት የለም” የሚል መልዕክት አስተላልፈዋል።
ብሔራዊ ቡድናችን ከኮትዲቯር ጋር ባደረገው በዛሬው ጨዋታ 3ለ1 በሆነ ውጤት ቢሸነፍም፣ የኒጀርና የማዳጋስካር አቻ መውጣትን ተከትሎ 9 ነጥብ በመያዝ ነው የአፍሪካ ዋንጫን የተቀላለቀለው፡፡
