ኢትዮጵያ ነገ ዜና፡– እሁድ ዕለት በሁሉም የሳውዲ አካባቢዎችና በተሚዝ አካባቢ ባለው የጨረቃ መጠባበቂያ ማእከል ጨረቃ ባለመታየቷ ዛሬ ሰኞ ሚያዝያ 4 ቀን 2013 የረመዳን ዋዜማ የሻዕባን የመጨረሻ ቀን ሆኖ ነገ ማክሰኞ ቅዱሱ የረመዳን ፆም ወር 1 ብሎ ይጀምራል።
የ1442ኛው የረመዳን ቅዱስ ፆም ነገ እንደሚጀምር ያሳወቀው የኢትዮጵያ የእስልምና ጉዳዮች ጠቅላይ ምክር ቤት፣ ህዝበ ሙስሊሙ በፆም እና በጸሎት የሚያሳልፈው የረመዳን ወር ነገ የሚጀምረው ጨረቃ ዛሬ በመታየቷ መሆኑንም አመልክቷል።
የኢትዮጵያ እስልምና ጉዳዮች ጠቅላይ ምክር ቤት ፕሬዝዳንት ተቀዳሚ ሙፍቲ ሀጅ ኡመር ኢድሪስ፣ ወሩን በመረዳዳት እንዲሁም በመተሳሰብ፤ ከምንም በላይ ደግሞ ለሰብአዊነት ቅድሚያ በመስጠት ህዝበ ሙስሊሙ እንዲያሳልፍ ጥሪ ማቅረባቸውን ከቀናት በፊት መዘገባችን ይታወሳል።
