ኢትዮጵያ ነገ ዜና፡– የኢትዮጵያ ብሄራዊ ምርጫ ቦርድ ለ6ኛው ሀገራዊ ምርጫ የድምፅ መስጫ ቀን የፌደራሉ መንግስት ሙሉ ድጋፍ እንዲያድርግለት ጠይቋል።
ቦርዱ ለጠቅላይ ሚኒስትር ዐቢይ አህመድ በጻፈው ድብዳቤ፣ በጥቂት ቀናት ውስጥ የሚከናወነው የድምፅ አሰጣጥ ሂደት ከፍተኛ የትራንስፖርት እና የሎጂስቲክስ አቅም የሚጠይቅና በአንድ ቀን ብቻ መጠናቀቅ ያለበት መሆኑን እንዲሁም ምርጫውን ለማሳካት 24 ሰዓት እየሰራ መሆኑን ገልጾ፤ በተወሰኑ ቦታዎች ላይ ሳናካዎች ቢገጥሙ በፍጥነት ምላሽ ለመስጠት እንዲቻል፣ መንግስት የሚያግዝበት በማንኛውም ተቋም ስር የሚገኝ የትራንስፖርት እና ሎጅስቲክስ እና የምርጫውን ሰላማዊነት ለማረጋገጥ ተጠባባቂ የህግ አስፈጻሚ ሀይል ለቦርዱ ጥያቄዎች ቅድሚያ በመስጠት ፍጥነት የተላበሰ ምላሽ እንዲሠጡ ጠይቋል።
