ዓለም አቀፍ የቆዳ ጉባኤ በኢትዮጵያ እየተከናወነ ነው

ኢትዮጵያ ነገ ዜና፡– የአፍሪካ መዲና በሆነችው አዲስ አበባ 5ኛው ዓለም አቀፍ የቆዳ ጉባኤ እየተከናወነ መሆኑን የአፍሪካ ቆዳ እና የቆዳ ውጤቶች ኢንስቲትዩት አስታውቀዋል።

ጉባኤው በኢትዮጵያ ሲካሄድ ለመጀመሪያ ጊዜ ነው። በእዚህም ጉባኤ ላይ ዓለም አቀፍ የቆዳ ዘርፍ ላይ ትኩረት ያደረጉ የተለያዩ ጥናቶች እየቀረቡበትም ይገኛሉ።

ሀገራችን ከአፍሪካ ቀንድ የመጀመሪያ ደረጃ ላይ በቆዳ እንደምትታወቅ ይታወቃል። ይህም ለኢትዮጵያ ምቹ ዕድሎችን እንደሚያመቻች እና ለተቀረው ዓለም በበለጠ ደረጃ ለማስተዋወቅ የሚረዳ መሆኑን የአፍሪካ ቆዳ እና የቆዳ ውጤቶች ኢንስቲትዩት ጠባባቂ ዋና ዳይሬክተር ገ/እግዚአብሔር ገ/መድኅን ገልፀዋል።