ኢትዮጵያ ነገ ዜና || ኢትዮ ቴሌኮም እና ሳፋሪኮም ኢትዮጵያ ከኢትዮጵያ ኮሙዩኒኬሽን ባለስልጣን ጋር በመሰረተ ልማት መጋራት እና ትስስር ላይ ያደጉት ዘርፈ ብዙ ድርድሮች በተሳካ ሁኔታ ማጠናቀቃቸውን ኢትዮ ቴሌኮም አስታወቀ።
ሁለቱ ኩባንያዎች በልዩነቶቻቸው ላይ ከስምምነት የደረሱት በኢትዮጵያ ኮምንኬሽን ባለሥልጣን አገናኝነት እንደገና ከተደራደሩ በኋላ ሲሆን፣ የስምምነቱ ዝርዝር ግን አልተገለጸም። ኩባንያዎቹ በቅርቡ ይፋዊ ስምምነት ይፈራረማሉ ተብሏል።
በኢትዮቴሌኮም እና በሳፋሪኮም ኢትዮጵያ መካከል መሰረተልማትን ለመጋራት የሚደረጉ ስምምነቶች በዋጋ እና የክፍያ ገንዘብ አይነት ወይም ምንዛሪ ምክንያት አለመግባባቶች ተፈጥረው እነደነበርና ፡የሳፋሪኮም ኢትዮጵያ ሀላፊው ጉዳዩን ለመፍታት እየተሰራ መሆኑን ገልፀው በያዝነው ወር መጨረሻ መፈታት ካልተቻለ ነገሩን ወደ ኢትዮጵያ ኮምኒኬሽን ባለስልጣን እንደሚወስዱት ገልጸው እንደነበር ይታወሳል።
