ኢትዮጵያ ነገ ዜና || ትናንት ሌሊት ንጋት አቅራቢያ 10:50 ላይ ደራሲ ይስማከ ወርቁ ከመገናኛ ወደ ላምበረት በሚወስደው መንገድ ወደ ቤቱ እያሽከረከረ ዲያስፖራ አደባባይ ላይ የመኪና መገልበጥ አደጋ ደርሶበታል።
የአዲስ አበባ ፖሊስ ኮምሽን የሚዲያ ሀላፊና የሕዝብ ግንኙነት ባለሙያው ረዳት ኮማንደር ማርቆስ ታደሰም የአደጋውን መድረስ ለሀገር ውስጥ ሚድያዎች አረጋግጠዋል።
ረዳት ኮማንደር ማርቆስ አያይዘውም በደራሲው ላይ የደረሰው አደጋ ቀላል የሚባል እንደሆነና የካ ወረዳ 5 ጤና ጣቢያ ተወስዶ ህክምና ከተደረገለት በኋላ ለተሻለ ህክምና ወደ ዳግማዊ ሚኒሊክ ሆስፒታል መወሰዱ አረጋግጠዋል ።
ደራሲው በአሁኑ ሰዓት ተጨማሪ ምርመራ እየተደረገለት ይገኛል ሲሉ ሃላፊው ተናግረዋል።
በተጨማሪም የአደጋውን መንስኤ እና ዝርዝር ጉዳዩን ፖሊስ እያጣራው ይገኛል ብለዋል።
ደራሲ ይስማዕከ ወርቁ በዴርቶጋዳ ፣ ራህማቶሃራ ዣንቶዣራ በተሰኙት ተከታታይ የልብ ወለድ ስራዎቹ ሲታወስ
የወንድ ምጥ የተሰኘ የግጥም መድብል ፣ በተጨማሪ እንደ ተልሚድ ፣ ተከርቸም ፣ ክቡር ድንጋይ ፣ የኦጋዴን ድመቶች እና ሌሎችም ተወዳጅ ልበወለድ ስራዎቹ ይታወሳል። ከእዚህ ቀደም መሰል የመኪና አደጋ ደርሶበት እንደነበርም አይዘነጋም።
