ኢትዮጵያ ነገ ዜና || በኬንያ የሚገኝው የአሜሪካ ኤምባሲ በዋና ከተማዋ በናይሮቢ የሽብር ጥቃት ሊሰነዘር ይችላልና ጥንቃቄ እንዲያደርጉ በናይሮቢና በዙሪያዋ በሚገኙ የመኖሪያ አካባቢዎች የወንጀል መበራከታቸውን እንዲገነዘቡና ጥንቃቄ እንዲያደርጉ አስጠነቀቀ።
አርብ መጋቢት 6 ቀን 2016 በኤምባሲው ድረ-ገጽ ላይ በተለጠፈው የደህንነት ማስጠንቀቅያ፣ የአሜሪካን መንግስት ጉዳዩን እየተከታተለ መሆኑን ገልጻ ዜጎቿ በእግራቸው በጎዳናዎች ሲጓዙ ጥንቃቄ እንዲያደርጉ አሳስበዋል ።
“በናይሮቢ የመኖሪያ አካባቢዎች የወንጀል እንቅስቃሴ መጨመሩን ሪፖርቶች አሉ። ክስተቶች እንደ ቦርሳ እና ስልክ መንጠቅ ያሉ ደረቅ ወንጀሎችን ያካትታሉ። የኬንያ መንግስት ከፍተኛ ወንጀል በሚፈፀምባቸው አካባቢዎች ተጨማሪ ፖሊሶችን በመመደብ ሁኔታውን ለመቆጣጠር እርምጃ እየወሰደ ነው” ሲል የኤምባሲው መግለጫው ያትታል።
የአሜሪካ ዜጎች አካባቢያቸውን እንዲያውቁ፣ ዝቅተኛ መገለጫ እንዲኖራቸው እና የሀብት ምልክቶች እንዳይታዩ፣ እንደ ውድ ጌጣጌጥ ወይም የእጅ ሰዓት ወይም ብዙ ገንዘብ እንዳይዙ ማሳሰቢያ ተሰጥቷል።
አሜሪካውያን ማንኛውንም የዘረፋ ሙከራን በአካል እንዳይቃወሙ እና እንዲረጋጉ ተጠይቀዋል ፣ ከወንጀለኞች ጋር መጋጨት ብዙ ጊዜ ወደ ሁከት እንደሚያመሩ ባስጠነቀቀበት መግለጫውከዚሁ ጋር ተያይዞ ኤምባሲው ዜጎቹ በመኪናቸው ውስጥ እያሉ በሮች ተቆልፈው እንዲቆዩ እና መስኮቶችን እንዲዘጉ መክሮል። en
