ኢትዮጵያ ነገ ዜና || በበርካታ ኢትዮጵያውያን እየተጎበኘ የሚገኘው የአንድነት መካነ-እንስሳት በውስጡ 37 አጥቢ እንስሳት እና የአእዋፍት ዝርያዎችን ለመሰብሰብ ታቅዶ የተዘጋጀ መሆኑ ተነግሮለታል።
በመካነ እንስሳቱ በአሁኑ ወቅት ቀጭኔዎች፣ ነጭ አናብስት፣ ተኩላዎች፣ ሰጎኖች፣ ማርካት፣ ሳላዎች፣ የሜዳ አህያዎች፣ የቆላ አጋዘን፣ ውድንቢ፣ የቶራ ፈረሶች እና ሌሎች እንስሳት ገብተው ለጎብኚዎች ክፍት ተደርጓል ፡፡
በተጨማሪም አቦ ሸማኔዎች፣ ነጭ አውራሪስ፣ ጭላዳ ዝንጀሮ እና ሌሎች አጥቢ እንስሳት፣ የጦጣ ዝርያዎች እና አእዋፍት በቅርቡ ወደ መካነ እንስሳቱ የሚገቡ መሆኑን ከአንድነት ፓርክ የደረሰን መረጃ ያሳያል።
ጎብኚዎች ከዛሬ ጀምሮ ወደ ፓርኩ በመምጣት ከሌሎች የጉብኝት መዳረሻዎች በተጨማሪ መካነ-እንስሳቱን መጎብኘት እንደሚችሉም ይፋ ተደርጓል።
