ከዱባይ የመጣ ኢትዮጵያዊ የኮሮና ቫይረስ እንደተገኘበት ዐቢይ አሕመድ አረጋገጡ

ኢትዮጵያ ነገ ዜና || ከዱባይ ወደ አዲስ አበባ  የመጣ  ተጨማሪ  ኢትዮጵያዊ (አምስተኛ ሰው) የቫይረሱ ተጠቂ መገኘቱ ተረጋገጠ።

ይህ በእንዲህ እንዳለ ጠቅላይ ሚኒስትር ዐቢይ አሕመድ በዛሬው እለት የኮሮና ቫይረስን ለመከላከል ከተቋቋመው የሚኒስትሮች ኮሚቴ ጋር ውይይት አድርገዋል።

ጠቅላይ ሚኒስትር ዐቢይ አሕመድ በዚህ ወቅት በሰጡት መግለጫም በኢትዮጵያ አምስተኛው የቫይረሱ ተጠቂ መገኘቱን አስታውቀዋል። ግለሰቡ ከዱባይ ወደ ኢትዮጵያ የመጣ መሆኑንም ተናግረዋል።

በኢትዮጵያ ከቡርኪና ፋሶ የመጣ ጃፓናዊ የመጀመሪያው የቫይረሱ ተጠቂ መሆኑ ይታወሳል። ከዚያን ጊዜ ወዲህም ተጨማሪ የቫይረሱ ተጠቂዎች መገኘታቸውን እየወጡ ያሉ ምንጮች እየጠቆሙ ነው።