የጠ/ሚሩ አረንጓዴ አሻራን የተመለከተ ቪዲዮዎችን አዘጋጅተው ለሚያጋሩ ሽልማት ተዘጋጀ

በፊልም፣ በግራፊክ ሥነ ጥበብ፣ በፎቶግራፍ፣ በሥነ ጽሑፍ፣ በካርቱን ሥዕል እንዲሁም በልዩ ልዩ ዘርፎች የተሠማሩ ኢትዮጵያውያን የኪነ ጥበብ ባለሞያዎች “የጠ/ሚኒስትሩ አረንጓዴ አሻራ ጥሪ ” በሚል መለያ ቪዲዮዎችን አዘጋጅተው በማኅበራዊ መገናኛ ብዙኃን እንዲያጋሩ ጠቅላይ ሚኒስቴር ዐቢይ አሕመድ መልዕክት አስተላልፈዋል።

 ”የዚህ ዓመት የአረንጓዴ አሻራ የችግኝ ተከላ ሥራ ከተጀመረ ሁለት ወር ሊሞላው ነው። በፊልም፣ በግራፊክ ሥነ ጥበብ፣ በፎቶግራፍ፣ በሥነ ጽሑፍ፣ በካርቱን ሥዕል እንዲሁም በልዩ ልዩ ዘርፎች የተሠማራችሁ ኢትዮጵያውያን የኪነ ጥበብ ባለሞያዎች ሁሉ፣ ተደምራችሁ አነቃቂ የአረንጓዴ አሻራ ቪዲዮዎችን አዘጋጅታችሁ የጠ/ሚ አረንጓዴ አሻራ ጥሪ፣ በሚል መለያ በማኅበራዊ መገናኛ ብዙኃን እንድታጋሩ ጥሪዬን አቀርባለሁ” ሲሉም ለሙያተኞች ጥሪ አቅርበዋል።

በዚህ መርህ ተሠርተው ከሚቀርቡት መሀል ለተመረጡት ሥራዎች ባለቤቶች አስደናቂ በረከቶች መዘጋጀታቸውንም የብልፅግና ፓርቲ መስራች ከወዲሁ አረጋግጠዋል።