ኢትዮጵያ ነገ ዜና፡– የአረንጓዴ አሻራ መርሀ ግብር ሀሳብ አፈልቂና የብልፅግና ፓርቲ መስራች ጠቅላይ ሚኒስትር ዐቢይ አህመድ ከቤተሰቦቻቸው ጋር በመሆን የችግኝ ተከላ አካሄዱ።
ጠቅላይ ሚኒስትሩ በቅርቡ ወደ ልጃገረዶች አዳሪ ትምህርት ቤት በተቀየረው በቀድሞ ስያሜው የካቲት 12 አጠቃላይ 2ኛ ደረጃ ት/ቤት “መነን” በመገኘት ከትምህርት ቤቱ ተማሪዎች ጋር ነው የችግኝ ተከላውን ያካሄዱት።
ዛሬ በአዲስ አበባ በአንድ ጀንበር 2 ሚሊየን ችግኞችን የመትከል መርሃ ግብር በተለያዩ የከተማዋ አካባቢዎች መከናወኑን ተከትሎ ነው የዶክተር ዐቢይና ቤተሰቦቻቸው ችግኝ የተከሉት።
ጠቅላይ ሚኒስትር ዐቢይ አሕመድ ከችግኝ ተከላው በኋላ በአንድ ጀምበር 2 ሚሊየን ችግኞችን የመትከል መርሃ ግብር ላይ እየተሳተፉ ለሚገኙ ዜጎች ምስጋና አቅርበዋል።
