ኢትዮጵያ ነገ ዜና፡– የህዳሴውን ግድብ አስመልክቶ በተለያዮ ዓለም ዐቀፍ መድረኮችና ሚዲያዎች ላይ የኢትዮጵያን ጥቅም ባስጠበቀ መልኩ እልህ አስጨራሽ ክርክሮችን በማድረግ የማታወቀው መሐመድ አል አሩሲ ተሸላሚ ሆነ።
ከኢትዮጵያዊ ቤተሰቦች በሳዑዲ አረቢያ የተወለደውና የሕዳሴ ጎድብን በሚመለከት ስለኢትዮጵያ በተለያዩ ዓለም ዐቀፍ መገናኛ ብዙኅን ሙግት በራሱ ተነሳሽትን ያደረገውና እርሱን ተከትለው ሌሎች ትውልደ ኢትዮጵያውያን በመድረኩ ብቅ እንዲሉ መንገድ የጠረገው መሐመድ አል አሩሲ የዓመቱ የበጎ ሰው ተሸላሚ መሆኑ በርካታ ኢትዮጵያውያንን አስደስቷል።
በሳዑዲ አረቢያ መወለዱ በተቀላጠፈ መልኩ አረብኛ ቋንቋ ተናጋሪ እንዲሆን ያስቻለው ይህ ወጣት የኢትዮጵያን ሐሳብና እውነት በዛው ቋንቋ ለሰሚው ከማስረዳት ባሻገር የኢትዮጵያን ህጋዊ መብት በሚጋፉ ጉዳዮች ላይ ክርክር እያደረገ ይገኛል።
