በትግራይ የሚገኙ የኤርትራ ስደተኞች ተጠቃሚ እንዲሆኑ እየተሠራ ነው ተባለ

“በኤርትራ ስደተኞች ላይ ችግር እንደደረሰ ተደርጎ የሚናፈሰው ወሬ እውነታውን ያላገናዘበ ነው” ያለው ኤጀንሲው፤ በተባበሩት መንግስታት ድርጅት የስደተኞች ከፍተኛ ኮሚሽነር ፊሊፖ ግራንዲ በትግራይ ክልል የሚገኙ የኤርትራ ስደተኛ መጠለያ ጣቢያዎችን መጎብኘታቸውንም ይፋ አድርጓል።

በጉብኝቱ የሰላም ሚኒስትር ወይዘሮ ሙፈሪያት ካሚል፣ የውጪ ጉዳይ ሚኒስትር ዴኤታ ሬድዋን ሁሴን፣ የስደተኞችና ከስደት ተመላሾች ጉዳይ ኤጀንሲ ዋና ዳይሬክተር አቶ ተስፋሁን ጎበዛይ ከተመድ ልዑካን ቡድን ጋር በስፍራው መገኘታቸው ተረጋግጧል።

ኢትዮጵያ በአሁኑ ወቅት ከአንድ ሚሊዮን በላይ የሚሆኑ ከተለያዩ አገሮች የመጡ ስደተኞችን ተቀብላ እያስተናገደች ነው።