ኢትዮጵያ ነገ ዜና፡– የኢፌዲሪ ጠቅላይ ሚኒስትር ዶክተር ዐቢይ አሕመድ ዛሬ ለዋልያዎቹ ባስተላለፉት መልዕክት “የኢትዮጵያ ብሔራዊ የእግር ኳስ ቡድን የማዳጋስካር አቻውን 4 ለ0 አሸንፏል።
በዚህም ወደ አፍሪካ ዋንጫ የማለፍ ዕድሉን አስፍቷል። ከተለያዩ አካባቢዎች እና ቡድኖች የመጡ ተጨዋቾች በአንድ ዓላማ ተጫውተው ያስገኙት ድል ትልቅ አርአያነት አለው። በቀጣዩ ጨዋታቸው መልካሙን ሁሉ እመኝላቸዋለሁ” ብለዋል።
የኢትዮጵያ ብሔራዊ ቡድን በ33ኛው የአፍሪካ ዋንጫ ለማለፍ ከኮትዲቭዋር ጋር የፊታችን ማክሰኞ ለሚኖረው የመጨረሻ የምድብ ማጣሪያ ጨዋታ ዛሬ ወደ አቢጃን ማቅናቱ ታውቋል።
ዛሬ ወደ አቢጃን ያቀናው ብሄራዊ ቡድን ማክሰኞ ተጋጣሚውን ካሸነፈ በቀጥታ ለአፍሪካ ዋንጫ ማለፉን የሚያረጋግጥ ይሆናል።
በአፍሪካ እግር ኳስ ማህበር ውሳኔ መሰረት በ2021ዱ የአፍሪካ ዋንጫ ውድድር ተሳታፊ ሀገራት ለመጀመሪያ ጊዜ ወደ 24 ማደጋቸው ይታወቃል።
