ኢትዮጵያ ነገ ዜና፡– በአገሪቱ እየተባባሰ የመጣውን ዘር ተኮር ጭፍጨፋ በመቃወም በተለያዩ ከተሞች የተቃውሞ ሰልፎች እስከ ቅርብ ሰአት ድረስ ሲካሄዱ መዋላቸውን ታወቀ።
እስካሁን ባለው መረጃም በደብረ ብርሃን ዩኒቨርስቲ እና ደብረ ማርቆስ እና ደሴ ከተሞች ከፍተኛ የተቃውሞ ድምፆች ማስተጋባታቸውን ለማወቅ ተችሏል።
አዲስ አበባ የምረጡኝ ቅስቃሳ ያደረጉት የባልደራስ አባላት ጥቁር ጨርቅ በመያዝ ሀዘንና ተቃውሟውን ያስተጋቡ ሲሆን፣ ኢዜማዎች እጃቸውን ከፍ አድርገው በማጣመር ተቃውሟቸውን ሲያሳዩ ውለዋል።
ትላንት በአዲስ አበባ ዩኒቨርስቲ መሰል የተቃውሞ ድምፆች ሲሰሙ የዋሉ ሲሆን፣ ተቃውሞው ነገም በወልዲያ፣ ጎንደርና ባህር ዳር ከተሞች እንደሚቀጥል ከአካባቢዎቹ የሚወጡ መረጃዎች እያመላከቱ ነው።
