ኢትዮጵያውያን የእግር ኳስ ደጋፊዎች ያለ ቪዛ ወደ ሞስኮ እንዲያመሩ ተፈቀደላቸው

/ኢትዮጵያ ነገ ዜና/፡- ሩሲያ በምታዘጋጀው 21ኛው የአለም ዋንጫ ላይ ለመታደም ወደዚያው ለሚያመሩ ኢትዮጵያዊያን የእግር ኳስ ደጋፊዎች ቪዛ እንደማትጠይቅ አስታወቀች።

  ዓለም በጉጉት የሚጠብቀውና 32 ሀገራት የሚሳተፉበት በዘንድሮው የሩሲያው የዓለም ዋንጫ ኢትዮጵያዊያን የእግር ኳስ ደጋፊዎች ያለ ቪዛ ወደ ሞስኮ አምርተው መታደም እንደሚችሉ የኢትዮጵያን እግር ኳስ ፌዴሬሽንን ጠቅሶ የኢትዮጵያ ራዲዮ ዘግቧል።

የኢትዮጵያ እግር ኳስ ፌዴሬሽን መግለጫ እንደሚያመለክተው  የዓለም ዋንጫን ለመታደም ወደ ሩሲያ መሄድ የሚፈልጉ እግር ኳስ አፍቃሪዎች ህጋዊ ፓስፖርትና የደጋፊ መታወቂያ በመያዝ ያለ ቪዛ ሊታደሙ ይችላሉ ብሏል።

 የዘንድሮው የዓለም ዋንጫ ከፊታችን ሰኔ 7/ 2010 ዓ.ም (ሰኔ 15/2018) እንደሚጀመርም ፊፋ ያወጣው መርሃ ግብር ያመለክታል።

  ደጋፊ መታወቂያ www.fan ihd. ሚለው ድረ-ገጽ ላይ በመመዝገብ ማግኘት እንደሚችልም ፌዴሬሽኑ ጠቁሟል።