/ኢትዮጵያ ነገ ዜና/፡- የአማራ ክልል የተለያዩ ከተሞች አዲሱ ጠቅላይ ሚኒስትር አብይ አህመድ የጀመሯቸውን ለውጦች አጠናክረው እንዲቀጥሉ ድጋፍ ለመስጠት ያለሙ ሰላማዊ ሰልፎች ተካሂደዋል። በደብረ ብርሃን፣ ሰቆጣ፣ ሸዋ ሮቢት፣ ወልዲያ፣ ሀይቅና ላሊበላ ከተሞች በርካታ ህዝብ የተሳተፈበት ሰልፍ አድርገዋል።
በድጋፍ ሰልፉ ላይም ሙሉ በሙሉ የኮኮብ ምልክት የሌለበትን አረንጓዴ ቢጫ ቀይ ሰንደቅ የተያዘ ሲሆን የተለያዩ ሀሳቦችን የሚያፀባርቁ ባነሮችም በብዛት ተሰርተው መያዛቸውን ከየ ከተሞቹ ያገኘነው መረጃ ይጠቁማል።
በደቡብ ክልል ቡታጅራና ወራቤ ከተሞችም ጠቅላይ ሚኒስትር አብይ አህመድን በመደገፍ ዛሬ ሰላማዊ ሰልፍ አድርገዋል።
በአማራ ክልል ሰልፉ ነገም የሚቀጥል ሲሆን በባህር ዳርና ደብረታቦር ከተሞች የሚደረጉት ሰልፎች እየተጠበቁ ነው።
