/ኢትዮጵያ ነገ ዜና/፡- ነቀምት ከተማ ዛሬ ማምሻውን እንደሰማነው የኦሮሞ ነፃነት ግንባር(ኦነግ) ወታደሮች ወደ ከተማ ዘልቀው በመግባት ተኩስ መክፈታቸውን ከስፍራው የሚወጡ መረጃዎች አመልክተዋል።
ነቀምት ከተማ ከዛሬ ቀን ጀምሮ የመንግስትም ሆነ የግል ንግድ ድርጅቶች መዘጋታቸውንና የከተማዋ እንቅስቃሴ ሙሉ በሙሉ መገደቡን ሰምተናል።
የከተማው ነዋሪዎች በሁኔታው ግራ የተጋቡ ሲሆን አንዳንድ ወጣቶች ደግሞ ወታደሮቹን መቀላቀል መጀመራቸው ታውቋል። በአሁኑ ሰዓት በነቀምት ከተማና ዙሪያዋ ከፍተኛ ተኩስ እየተካሄደ መሆኑንም መረጃውን ያደረሱን ወገኖች ጨምረው ገልፀዋል።
የቀድሞው ኦነግ ከአራት በላይ አንጃዎች የተከፋፈለ ሲሆን የጠቅላይ ሚኒስትር አብይ አህመድን የሰላም ጥሪ ተከትሎ በሰላማዊ መንገድ ለመታገል የሁሉም ድርጅት አመራሮች ወደ ሀገር ቤት ግባታቸው የሚታወስ ነው።
