ከፍተኛ አዳዲስ ግንባታዎች፣ ከአፄ ምኒሊክ ጀምሮ የነበሩ ህንፃዎች ላይ እየተካሄዱ ያሉ እድሳቶች፣ የጠ/ሚሩ ቢሮን አዳዲስ ገፅታዎችን እንዲሁም በግቢው ውስጥ አዲስ የእንስሳት ፓርክ፣ የህፃናት መጫወቻ፣ ከመሬት በታች ያለ የመኪና መተላለፊያ፣ የቀድሞው ጠ/ሚር መለስ ዜናዊን ቤት ወደ እንግዳ መሪዎች ማደሪያ እየተደረገ ያለ የግንባታ ስራ ወዘተ አይተናል።
ግንባታው ሲያልቅ ዜጎች እና ቱሪስቶች ትኬት እየቆረጡ በመግባት መጎብኘት ይችላሉ ተብሏል።
ግቢው በግምት ወደ 50 ሄክታር ይደርሳል ተብሎ የሚገመት ሲሆን እያንዳንዷ ሜትር ግንባታ ላይ ነች ማለት ማጋነን አይሆንም። እኔን ከደነቁኝ መሀል:
– አፄ ምኒሊክ ግብር ያበሉበት የነበረው ግዙፍ አዳራሽ እንደ አዲስ ታድሷል። ይህንን አዳራሽ ለማያያዝ 8,000 ኪሜ ገደማ የከብት ቆዳ ጥቅም ላይ ውሏል ይባላል (ከአዲስ አበባ ደቡብ አፍሪካ ደርሶ መልስ እንደማለት ነው)። አዳራሹ ጠ/ሚሩ ላሰቡት የአምስት ሚልዮን ብር እራት ፕሮግራም ይውላል ተብሏል። ሰርገኞችም ልክ እንደ ሆቴል አዳራሽ እየተከራዩ መጠቀም ይችላሉ ተብሏል።
– የቀድሞው ጠ/ሚር መለስ ዜናዊን መኖርያ ቤት ሶስት የሀገር መሪዎችን በአንዴ ማስተናገድ እንዲችል ሆኖ እየተሰራ ነው። እኛ ዛሬ ስንጎበኘው ሶፋ እና አልጋ እየገባለት ነበር።
– በአፄ ሀይለስላሴ ዘመነ መንግስት የልኡላን ቤተሰቦች ይኖሩበት የነበረው እና በሁዋላም ግራውንዱ እነዚሁ ቤተሰቦችን እና የአፄውን ሚኒስትሮች ለማሰቃያ ይውል የነበረው ህንፃ ከፍተኛ እድሳት ተደርጎለት እጅግ ትላልቅ ስክሪኖች እና ሳውንድ ሲስተሞች ተገልፀውለት በጊዜው የነበረውን ታሪክ ለጎብኚዎች በዲጂታል መንገድ ለማስጎብኘት ዝግጅቱ ተጠናቋል ተብሏል።
የግቢው አዳዲስ ግንባታ እና ወጪ በ “ወዳጅ ሀገር” እንደተሸፈነ ጠ/ሚሩ በቅርቡ መግለፃቸው ይታወሳል።
ይህንን ጉብኝት በሁለተኛ ዙር እመለስበታለሁ።
Note: ካሜራ ይዞ መግባት ተፈቅዶ ስላልነበር ፎቶዎችን ማስቀረት አልቻልኩም።
