/ኢትዮጵያ ነገ ዜና/:- ጠቅላይ ሚኒስትር አብይ አህመድ በቅርቡ ተቋቁሞ ወደ ስራ ለሚገባው ብሔራዊ የዕርቅ ኮሚሽን ይመጥናሉ ያሏቸውን ዕጩዎች ዝርዝር ማቅረባቸው ታውቋል።
ዝርዝሩ ታዋቂ ና ተሠሚነት ያላቸው ምሁራን፥ የአገር ሽማግሌዎች፥ የኃይማኖት መሪዎች ፥ የፖለቲካ አመራሮች፥ ስፖርተኞች እና የመሣሠሉትን ያካተተ ነው።
ከዕጩዎቹ መካከል የቀድሞው ጠ/ሚኒስትር ኃ/ማርያም ደሳለኝ፥ የጋሞ ባህላዊ ንጉስ (ካዎ) ደምሴ ጻራ፥ የአፋር ሱልጣን ሃንፍሬ አሊሚራህ፥ በቅርቡ ስልጣናቸውን ያስረከቡት አባ ገዳ በየነ ሠንበቶ፥ ፕሮፌሰር ብርሀኑ ነጋ፥ ፕሮፌሰር በየነ ጴጥሮስ፥ አቶ በቀለ ገርባ፥ ፕሮፌሰር ኤፍሬም ይስሃቅ አትሌት ደራርቱ ቱሉ ና አትሌት ገ/እግዚያብሔር ገ/ማርያም ይገኙበታል።
ዝርዝሩ ለህዝብ ተወካዮች ም/ቤት ቀርቦ ውይይት ተደርጎበት ይፀድቃል ተብሎ ይጠበቃል ። ሙሉ ዝርዝሩን ከምስሉ ይመልከቱ ።
