ኢትዮጵያ ነገ ዜና || ለስብሰባ ወደ አዲስ አበባ የመጡ አምባሳደሮችና ዲፕሎማቶች በኮሮናቫይረስ መያዛቸው ታወቀ።
በተለያዩ ሃገራት ሲያገለግሉ የቆዮና ለሥልጠና ከመጡት የኢትዮጵያ አምባሳደሮች እና ዲፕሎማቶች የተወሰኑት በኮሮናቫይረስ መያዛቸውን ታማኝ ከውጭ ጉዳይ ሚኒስቴር መ/ቤት አፈትልከው የወጡ መረጃዎች ያሳያሉ።
ሁኔታውን ለስልጠና ከመሰባሰባቸው ጋር ማገናኘት አይቻልም ያሉት የውጭ ጉዳይ ሚኒስቴር ምንጮች፤ ከየትኛውም የሕብረተሰብ ክፍል ናሙና ሲወሰድ እንደሚሆነው ሁሉ ከአምባሳደሮቹም መካከል የተወሰኑት ቫይረሱ ተገኝቶባቸዋል ሲሉ ተደምጠዋል።
ባለፉት ሳምንታት ከተለያየ የዓለም ክፍል መጥተው ለተሰባሰቡት ለእነዚህ ሰዎች ምርመራ ሲደረግ በቫይረሱ የተያዙ መገኘታቸው የሚጠበቅ ነው ያሉት ምንጮች በቫይረሱ የተያዙት ሰዎች ቁጥር ከሃያ እንደሚበልጥ ተናግረዋል።
